«05» қазан 2026 жыл                                                            Павлодар қаласы

Е. Рахмадиев атындағы симфониялық оркестрдің гастрольдік концерті

Құрметті павлодарлықтар және қала қонақтары!

Сіздерді Еркегали Рахмадиев атындағы Қарағанды академиялық симфониялық оркестрінің гастрольдік концертіне шақырамыз. Көрермендерді тамаша концерттік бағдарлама күтеді. Дирижер – Айдар Торыбаев. Солист – халықаралық конкурстардың лауреаты Сағадат Омарғазин (скрипка, Астана қаласы). Концерт жүргізушісі – Людмила Гольская.

Күні: 05 қазан (дүйсенбі)

Басталуы: 19:00

Өтетін орны: Павлодар қаласы, Н. Назарбаев даңғылы, 1, Иса Байзақов атындағы филармонияның концерт залы

Өзінің 85 жылдық мерейтойын атап өтіп отырған Иса Байзақов атындағы Павлодар облыстық филармониясы павлодарлықтарға көрнекті музыканттармен және еліміздің жетекші шығармашылық ұжымдарымен кездесулер сыйлауды жалғастыруда. Жаңа шығармашылық маусымның айтулы мәдени оқиғаларының бірі – Еркегали Рахмадиев атындағы Қарағанды академиялық симфониялық оркестрінің гастрольдік сапары.

Дирижерлік пультте – Айдар Торыбаев, Қазақстанның танымал дирижерлерінің бірі. Оның артында үлкен шығармашылық жолы мен жетекші музыкалық ұжымдардағы мол тәжірибесі бар. Құрманғазы атындағы Алматы консерваториясы мен Чайковский атындағы Киев консерваториясының түлегі Айдар Торыбаев әр жылдары Львов симфониялық оркестрін басқарды, Днепропетровск филармониясының көркемдік жетекшісі қызметін атқарды, сондай-ақ Роман Кофманның жетекшілігімен өткен «Жоғары классика апталығы» халықаралық фестивалін басқаруға және ұйымдастыруға қатысты.

Павлодарлық көрермендер қазақтың музыкалық дәстүрі мен еуропалық симфониялық классиканы тоғыстырған концерттік бағдарламаны тамашалайды. Кеш Т. Кажғалиевтің аяқталмаған «Дала аңызы» балетінен алынған «Қыз қуу» симфониялық күйімен ашылады. Одан кейін халықаралық конкурстардың лауреаты Сағадат Омарғазиннің (скрипка, Астана) орындауында Никколо Паганинидің скрипка мен оркестрге арналған №1 ре мажор концертін, op. 6 тыңдаймыз. Бағдарламаны Людвиг ван Бетховеннің №5 до минор симфониясы, op. 67 қорытындылайды.

Концерттік бағдарламаны талантты әрі тартымды Людмила Гольская жүргізеді. Бұл кеште жоғары өнерді бағалайтын көрермендерді тамаша академиялық музыкаға толы ерекше камералық атмосфера күтеді.

МАҢЫЗДЫ! Концерт залының есіктері іс-шара басталғаннан кейін 10 минуттан соң жабылады. Залға сусындар мен тамақ өнімдерін алып кіруге тыйым салынады.

Билеттер: филармония кассасында және Ticketon.kz онлайн-сервистерінде қолжетімді.

Байланыс телефондары: 8 (7182) 22-80-87, +7-775-593-08-97

Электрондық пошта: isa.baizakov2012@yandex.kz